Sa tagal ng gamutan ng TB (anim na buwan o higit pa) at sa dami ng mga Pilipino na umiinom ng mga gamot sa TB, mahalagang kilalanin natin ang mga side effects nito. Narito ang listahan ng mga karaniwang side effects ng TB, at ano ang pwedeng gawin kung ito ay maranasan.
| Side effect | Gamot na may sanhi | Dapat gawin |
| Kulay pula o orange na ihi | Rifampicin | Hayaan lamang; ito’y normal |
| Pagsakit ng tiyan, sikmura | Rifampicin | Inumin ang gamot bago matulog imbes na sa ibang oras |
| Pagsakit ng kasukasuan | Pyrazinamide | Maaring uminom ng pain reliever |
| Lagnat, trangkaso | Rifampicin | Ipatingin sa doktor |
| Paninilaw ng katawan | Alin man sa mga gamot | Itigil ang pag-inom ng gamot at magpatingin sa doktor |
| Pagbabago sa paningin o panlalabo ng mata | Ethambutol | Itigil ang pag-inom ng Ethambutol at magpatingin sa doktor |
| Pagbabago o panlalabo sa pandinig | Streptomycin | Itigil ang pag-inom ng Streptomycin at magpatingin sa doktor |
| Malalang pantal-pantal, rashes, pangangati at iba pang pagbabago sa balat | Alin man sa mga gamot | Itigil ang pag-inom ng gamot at magpatingin sa doktor |
| Balisawsaw o pagbabago sa ihi maliban sa pamumula ng ihi na dahil sa Rifampicin | Alin man sa mga gamot | Itigil ang pag-inom ng gamot at magpatingin sa doktor |
| Iba pang kakaibang nararamdaman sa doctor | Alin man sa mga gamot | Itigil ang pag-inom ng gamot at magpatingin sa doktor |
Para sa karagdagang kaalaman, basahin ang “Ano ang gamot sa TB o tuberculosis?” sa Mediko.PH.